SRP ALBANIAN ENGINEERING

Synimi i këtij projekti është shndërrimi i Shkodrës në një qendër banimi të banueshme, pa trafik, pa kaos, ku lëvizshmëria në përgjithësi dhe lëvizshmëria motorike në veçanti duhet të jetë në shërbim të qytetarëve, me rrugët e duhura për këmbësorët, automjetet dhe biçikletat.

Në kuadër të projektit “Strategjia e Parkimit, Studimi i Lëvizshmërisë, Qyteti i Shkodrës”, Konsulenti mori në konsideratë objektivat e mëposhtëm:

• Vendndodhja e projektit dhe karakteristikat – Analiza e gjendjes ekzistuese. Përshkruhet konteksti i qytetit (vendodhja, demografia, ekonomia, struktura urbane dhe zhvillimi, lokalizimi i ndërtesave dhe shërbimeve).
• Transporti – Përshkruhet transporti rrugor sipas akseve kryesore, zonat e këmbësorëve, transporti publik, trafiku, parkimi (në rrugë dhe jashtë saj).
• Parkimi- Realizohet një përmbledhje e situatës së parkimit të automjeteve në qytet, problematikave dhe potencialeve të mundëshme për plotësimin e kërkesës për parkim.
• Sfidat kryesore dhe analiza SWOT- paraqitet analiza SWOT si dhe rezultati përfundimtar i gjetjeve të saj sa i përket njohjes së gjendjes aktuale, ku janë identifikuar pikat e forta, problemet, mundësitë dhe rreziqet në kuadrin e menaxhimit të parkimit publik në Shkodër.
• Analiza e kërkesës për parkim në zonat bufferike 1, 2 dhe 3 – Zonat bufferike 1,2 dhe 3 analizohen më në detaj duke konkluduar në disa rezultate dhe tarifa-propozimesh për disa skenarë të mundshëm realizimi.
• Shtojcat/Rastet studimore – analizohen me shumë kujdes strategjitë e parkimit që kanë ndjekur

Nga konkluzionet e analizës së gjendjes aktuale, grupi i punës propozon një set me projekte konkrete të zbatueshme në territor.

1. Projekt i zgjerimit të rrjetit të korsive të biçikletave dhe implementimi i konceptit “Bike Sharing”.
2. Studimi i transportit publik urban në funksion të zgjerimit të rrjetit.
3. Projekt i eleminimit të barrierave arkitektonike në funksion të personave me aftësi të kufizuar.
4. Aplikacioni mobile “Shkodra easy parking”
5. Projekt “Shkodra Sightseeing Bus” i autobuzave turistik/panoramic

SRP Albanian Engineering është përgjegjëse për hartimin e studimit, i cili përmban të gjithë dokumentacionin e kërkuar, raportet dhe çdo informacion tjetër thelbësor për të kryer studimin në përputhje me kërkesat afatshkurtra dhe afatmesme.
Shërbimet specifike të ofruara:
• Analizat Hapësinore lidhur me parkimin dhe impaktin e tij në trafik.
• Ndërtimi dhe popullimi i Databazës GIS
• Pregatitja e raportit të Strategjisë së Parkimit.
• Hartimi I Studimit të lëvizshmërisë urbane.