SRP ALBANIAN ENGINEERING

Ura Elster kalon mbi lumin “Weiss Elster” dhe ndodhet në Rüssdorf, pjesë e bashkisë së Mohlsdorf-Teichwolframsdorf në Gjermani. Ajo është pjesë e rrugës ndërurbane dytësore, që lidh Waltersdorf me Rüssdorf.

Ura Elster është beton arme, 61.2m e gjatë dhe 5.5m e gjërë. Ka tre hapësira drite, hapësira e mesit është 25m e gjatë dhe dy anësoret janë 18.1m të gjata.

Nënstruktura përbëhet nga dy ballna të tipit “U”, të mbështetura në 4 pilota me diametër 1.2m dhe të gjata 4m, si dhe nga 2 pila solide beton arme rreth 8.5m të larta, të mbështetura në 2 pilota me diametër 1.2m dhe të gjata 4m.

Mbistruktura përbëhet nga tra beton arme të paranderur, me seksion të plotë, 5.5m të gjerë dhe 1.3m të lartë.

SRP Albanian Engineering është përgjegjëse për hartimin e Projektit të Zbatimit në përputhje të plotë me Standardet Gjermane të Projektimit dhe Eurokodeve. Projekti i detajuar i Urës Elster përmban të gjithë informacionin e nevojshëm për Kontraktorin që do të zhvillojë punimet civile. Projekti i Zbatimit përmban vizatimet e plota të zbatimit, dokumentacionin, raportet dhe çdo informacion të nevojshëm për të realizuar ndërtimin e strukturës në përputhje me projektin bazë.

Shërbimet specifike të ofruara:

• Përgatitja e dokumentacionit teknik të projektit, ku përfshihen llogaritjet dhe verifikimet inxhinierike të strukturës si dhe raportet teknike të saj;
• Përgatitja e materialit grafik të projektit, ku përfshihen planet e kallëpeve të armaturës të projektit të zbatimit, planet e detajuara të armimeve të elementëve strukturorë të urës.