SRP ALBANIAN ENGINEERING

Ky projekt është një investim i UK Selenicë, për përmirësimin e kushteve të jetesës dhe rritjen e cilësisë së shërbimit në fshatrat Vajzë, Ramicë, Velcë, Treblovë të bashkisë Selenicë.

Shërbimi I Konsulencës përfshin detyrat e mëposhtme:

1. Analiza e gjëndjes ekzistuese,
2. Projekt-idea paraprake,
3. Projekt-Ide Përfundimtare.
4. Hartimi i Projekt Zbatimit

Synimi I këtij projekti:

• Plotësimi i kërkesës për ujë e të gjithë banorëve të parashikuar në projekt.
• Plotësimi i nevojave për ujë për konsumatorë të tjerë (biznese, shkolla, kafshë, qendër shëndetësore).

Banorët e zonave të projektit do të furnizohen me ujë 24 orë duke mbuluar në këtë mënyrë nevojën e tyre sipas normës të përcaktuar në projekt. Në analizën hidraulike janë përfshirë nevojat për ujë për konsumatorë të tjerë duke stimuluar plotësimin e kërkesave të tyre me ujësjellësin e ri.

SRP Albanian Engineering është përgjegjëse për hartimin e masave të furnizimit me ujë. Projekti i Detajuar përmban të gjithë dokumentacionin e kërkuar, raportet dhe çdo informacion tjetër thelbësor për të kryer ndërtimin e rrjetit të furnizimit me ujë në përputhje me projektin bazë.
Shërbimet specifike të ofruara:
• Përgatitja e modeleve hidraulike, llogaritjet përkatëse për të gjitha sistemet e furnizimit me ujë;
• Përgatitja e Vlerësimit të Ndikimit në Mjedis;
• Përgatitja e llogaritjeve strukturore dhe raporteve strukturore për të gjithë përbërësit e përfshirë në projekt;
• Përgatitja e vizatimeve të hollësishme për punimet e përshkruara më sipër;
• Përgatitja e vlerësimeve të kostos, për masat e propozuara sipas dizajnit të detajuar;
• Rilevim Topografik;
• Raporti i Studimit Gjeologjik.