SRP ALBANIAN ENGINEERING

Spitali jofitimprurës Barmherzige Brüder GmbH synon të zgjerojë ndërtesën e St. Vinzenz Mitte në anën veriore. Shërbimi i dhurimit të gjakut do të vendoset në godinën e zgjeruar. Përveç kësaj, një strehë makinash do të ndërtohet në lindje të projektit.

Ndërtesa e re e planifikuar do t’i bashkëngjitet ndërtesës St. Vinzenz Mitte në veri. Zgjerimi, I cili është në formë L-je në plan, ka një shtrirje veri-jug prej përafërsisht 30 m dhe një shtrirje lindje-perëndim përafërsisht 35 m.

Ndërtesa e re do të ketë 2 kate mbi tokë dhe 1 bodrum. Ndertesa aksesohet nëpërmjet 2 shkallëve dhe një ashensori. Ndërtesa shtrihet në një lartësi prej 6.80 m mbi nivelin e tokës. Skaji i poshtëm i nivelit të themelit do të jetë përafërsisht 5.06 m nën nivelin e tokës.

SRP Albanian Engineering është përgjegjëse për hartimin e Projektit të Zbatimit në përputhje të plotë me Standardet Gjermane të Projektimit dhe Eurokodeve. Projekti i detajuar i kompleksit përmban të gjithë informacionin e nevojshëm për Kontraktorin që do të zhvillojë punimet civile. Projekti i Zbatimit përmban vizatimet e plota të zbatimit, dokumentacionin, raportet dhe çdo informacion të nevojshëm për të realizuar ndërtimin e objekteve në përputhje me projektin bazë.
Shërbimet specifike të ofruara:
• Realizimi i llogaritjeve strukturore
• Përgatitja e materialit të projektit, ku përfshihen planet e detajuara të armimeve të elementeve strukturore të objekteve