Studim fizibiliteti dhe hartim projekt-ideje për ndërtimin e parkimeve me pagesë, Shkodër

Synimi i projektit është shndërrimi i Shkodrës në një qendër banimi të banueshme, pa trafik e pa kaos, ku lëvizshmëria në përgjithësi dhe ajo motorike në veçanti të jenë në shërbim të qytetarëve, me rrugë të përshtatshme për këmbësorët, automjetet dhe biçikletat, duke rregulluar sistemin e parkimit të automjeteve.

Konsulenti mori në konsideratë: vendndodhjen e projektit dhe karakteristikat, me analizën e gjendjes ekzistuese (konteksti i qytetit, demografia, ekonomia, struktura urbane dhe zhvillimi, lokalizimi i ndërtesave e shërbimeve); transportin rrugor sipas akseve kryesore, zonat e këmbësorëve, transportin publik, trafikun dhe parkimin në rrugë e jashtë saj; përmbledhjen e situatës së parkimit në qytet, me problematikat dhe potencialet; sfidat kryesore dhe analizën SWOT; analizën e kërkesës për parkim në zonat bufferike 1, 2 dhe 3, me tarifa e propozime për disa skenarë; si dhe rastet studimore të strategjive të parkimit.

Nga konkluzionet, grupi i punës propozoi një set projektesh të zbatueshme: zgjerimi i rrjetit të korsive të biçikletave dhe koncepti «Bike Sharing»; studimi i transportit publik urban për zgjerimin e rrjetit; eliminimi i barrierave arkitektonike për personat me aftësi të kufizuara; aplikacioni celular «Shkodra easy parking»; dhe projekti «Shkodra Sightseeing Bus» i autobusëve turistikë panoramikë.