Projekt i ri: Buna Park, Shkodër

SRP Albanian Engineering, me partnerët Casanova + Hernandez Architects (Holandë) dhe shoqërinë mëmë SRP Schneider + Partner, fitoi «Konceptin e zhvillimit, masterplanin e ndërhyrjeve në hyrje të Shkodrës dhe projektin e rikualifikimit të bregut perëndimor të liqenit të Shkodrës», financuar nga Fondi Shqiptar i Zhvillimit.

Zona e studimit shtrihet nga ura mbi Bunë, vijon me parkun e qytetit buzë lumit dhe mbaron te rruga by-pass. Liqeni i Shkodrës është një nga ekosistemet më të rëndësishme kombëtare dhe ndërkombëtare, zonë Ramsar që nga viti 2006, me potencial të lartë për turizëm dhe rekreacion.