Kavaja është Bashki në qendër të rajonit të Ultësirës Perëndimore të Shqipërisë. Kufizohet me Durrësin në veri 17 km larg, Tiranën në lindje 27 km dhe Rrogozhinë në jug 15 km. Bazuar në Regjistrimin e Popullsisë 2011, bashkia kishte një popullsi prej 40,094 banorë, ndërsa në Regjistrin Civil numri i përgjithshëm i banorëve ishte 79,556. Projekti synon largimin e ujërave të ndotura urbane dhe dërgimin e këtyre ujërave në Impiantin e trajtimit të ujit të ndotur në Qerret të Kavajës dhe shkarkimin e tyre ne ambjentin pritës cilësisht të pastër referuar standarteve të legjislacionit në fuqi, konkretisht Ligj nr. 111/2012: “Për menaxhimin e integruar të burimeve ujore”.
Masat e këtij projekti do të kontribuojnë në zhvillimin e qëndrueshëm të qytetit duke përmirësuar kushtet e jetesës së popullatës dhe duke zvogëluar rrezikun shëndetësor të banorëve dhe vizitorëve në një perspektivë afatmesme dhe afatgjatë.
Qëllimi i këtij shërbimi është kryerja e Studim-Projektimit për ndërtimin/rikonstruksionin e rrjetit të Kanalizimeve dhe të gjithë komponetët përbërës të këtij.
Rezultatet e pritshme:
- Mbulimi i plotë me rrjet të kanalizimeve për largimin e ujërave të ndotura urbane për gjithë territorin e qytetit të Kavajës .
- Rikonstruksioni dhe zëvendësimi i rrjetit të kanalizimeve në gjendje të amortizuar, përfshirë pusetat e manovrimit.
- Treguesit për matjen e suksesit të programit është lidhja 100% e popullatës që jeton në zonën e kanalizimeve (Rezultati i drejtpërdrejtë) dhe standardet e vazhdueshme.
- Masat përfshijnë rehabilitimin dhe ndërtimin e sistemeve të largimit te ujerave , dergimin e perpunimit te ujerave te zeza ne Impiantin ekzistues ne Qerret e perpunimit te ujit dhe largimit mbas pastrimit sipas standarteve te legjislacionit Shqiptar ne fuqi per standartet e largimit te ujit te ndotur urban.
