Studim-projektim i ujësjellësit, fshati Golëm, Gjirokastër

Golëmi është pjesë e krahinës së Kurveleshit dhe shtrihet në pjesën jugperëndimore të saj. Është fshati më i largët dhe më i lartë i Gjirokastrës, me lartësi mbi 1 100 m mbi nivelin e detit. Golëmi ka pasur probleme me energjinë elektrike, ndërkohë që mungesa e ujit është e përhershme dhe vështirëson mbijetesën në fshat.

Projekti, i financuar nga AKUM, synon të përmirësojë cilësinë dhe qëndrueshmërinë e furnizimit me ujë. Ai përfshin: ndërtimin e linjës së re kryesore me gjatësi 1 321 m HDPE DE 90 PN10; ndërtimin e rrjetit të ri shpërndarës me gjatësi 3 224 m; ndërtimin e dy depove të reja me kapacitet 50 m³ secila, njëra në veriperëndim dhe tjetra në juglindje të zonës, si dhe stacionin e pompimit pranë depos në juglindje të Vezhishtit; ndërtimin e rrugëve të aksesit për të dy depot; dhe rehabilitimin e rezervuarit ekzistues të Vezhishtit dhe të stacionit të pompimit.

Për furnizimin e zonës me 210 banorë u alternuan dy skenarë: burim rezervuari ekzistues pranë përroit të Vezhishtit me veprën e marrjes, ose puseta ekzistuese në veriperëndim të fshatit që merr ujë nga lumi i Vezhishtit.