Referencat · Hidroteknikë dhe ujitje · Shqipëri

Studim Fizibiliteti, Projektim i Detajuar & ESMP dhe Shërbime Mbikëqyrjeje për implementimin e një sistemi me presion për zonën pilot të Divjakës

Klienti: SRP Albania – degë e shoqërisë së huaj
Vendndodhja: Divjakë, Shqipëri
Shërbimi: Studim fizibiliteti
Periudha: qershor 2019 – dhjetor 2019
Statusi: I përfunduar
Nr. i referencës: 2019-004

Projekti

Skema e ujitjes Divjakë është pjesë e Ultësirës në rrethin e Lushnjës, zona bujqësore më e rëndësishme e vendit dhe furnizuesi kryesor ushqimor i popullatës shqiptare. Divjaka rrit 800 ha perime në fushë të hapur, zakonisht me tre të korra në vit; përdoren sisteme të ndryshme ujitjeje, nga brazda te spërkatësit e te ujitja me pikim, sipas nivelit teknologjik të fermerit.

Objektivat e projektit: forcimi i kapacitetit qeveritar për të menaxhuar burimet ujore, si në nivel kombëtar ashtu edhe në basenet e lumenjve Drin-Buna dhe Seman; përmirësim i qëndrueshëm i performancës së sistemeve të ujitjes dhe i institucioneve ujitëse në zonën e mbrojtur.

Çfarë bëmë

Shqyrtimi i Studimit të Fizibilitetit ekzistues, të aprovuar nga MoARD në vitin 2016

Përgatitja e Studimit Paraprak dhe e Konceptit të Projektit

Përgatitja e Studimit të ESMP-së

Përgatitja e Planeve të Veprimit për Risistemim

Përgatitja e Projektimeve të Detajuara

Dixhitalizimi i të dhënave hapësinore dhe përshkruese për skemën e ujitjes, përfshirë bazën e të dhënave të infrastrukturës ujitëse (softuer GIS), pronësinë dhe modelet e prerjes

Përgatitja e Dokumenteve të Ofertave, përfshirë BoQ dhe Specifikimet Teknike

Projekti juaj