Projektimi i sistemit të kanalizimeve për Lagjen Hysaj, Bashkia Belsh

Belshi është bashki në qarkun e Elbasanit, në qendër të Shqipërisë. Projekti ndahet në dy segmente: segmenti i parë në pjesën pranë liqenit të Belshit, me gjatësi L = 610 m deri te puseta e valvulave, i projektuar si linjë e re me gravitet; segmenti i dytë, në rrugën e sipërme te Lagjja Hysaj, parashikohet si rrjet i ri kanalizimesh pranë ullishtave, në drejtimin e poshtëm të rrugës, me gjatësi rreth L = 600 m deri te kopshti i fëmijëve.

Projekt-zbatimi përfshin: Transmisionin e ri kryesor të kanalizimeve — Belsh Qendër (K3), me stacion pompimi për të shmangur shkarkimet e ujërave të patrajtuara në liqenin e Belshit; Transmisionin e ri kryesor — Belsh Hysaj (K2), që mbulon zonën nga Lagjja e Ullinjve te kopshti, me ngritje mekanike; dhe Transmisionin kryesor — Belsh Hysaj (K1), zgjerimin e rrjetit ekzistues dhe plotësimin e linjave që mungojnë ose janë informale, me puseta të reja për linjat dytësore dhe lidhje shtëpish e biznesesh me tuba DN150-200 mm.