Mbikëqyrje punimesh: ujësjellësi i fshatrave Duhanas dhe Lapardha 1, Otllak dhe Orizaj, Bashkia Berat

Projekti është i ndarë në katër zona të ndryshme territoriale të Bashkisë së Beratit: Lapardha 1, Orizaj dhe Otllak (njësia administrative Otllak), fshati Duhanas (njësia administrative Velabisht) dhe Zona Informale në qytetin e Beratit. Masat e projektit kontribuojnë në zhvillimin e qëndrueshëm të fshatrave, duke përmirësuar kushtet e jetesës së popullatës dhe duke zvogëluar rrezikun shëndetësor të banorëve e vizitorëve.

Punimet e mbikëqyrura përfshijnë ndërtimin e rrjetit të shpërndarjes për Zonën Informale të qytetit të Beratit — në Zonën 1 u zëvendësuan segmente të tubit ekzistues dhe u lidhën me linjën kryesore, me rindërtim të linjës ushqyese në 360 m, linjë dytësore 1 606 m, linjë terciare 3 626 m dhe 350 m tubacion lidhjesh familjare; Zona 2 është pikë nyjore me pusetën përkatëse të valvulave dhe tubacion të ri DN 90 mm, me linjë dytësore 241 m, terciare 2 552 m dhe 221 m lidhje familjare — si dhe linjën e re të transmisionit të lidhur me tubacionin ekzistues DN200 të «Ushqimores», me gjatësi 2 638 m (DE225 L = 1 526 m dhe DE200 L = 1 112 m).